Shirweyne ka dhacay Madaxtooyada Puntland

[Deeq A.]

Madaxtooyada Dowladda Puntland ee Garoowe, waxaa maanta ku qabsoomay Shirweynaha Guud ee Shaqaalaha Madaxtooyada Puntland, Kaasi oo looga hadlay dardargelinta shaqada iyo qorsheyaasha cusub horumarinta shaqo.

Shirka waxaa guddoomiyey Agaasimaha Guud ee Madaxtooyada Dowladda Puntland Mudane Maxamed Cabdirashiid Cali, waxaana ka qeybgalay Afhayeenka Madaxtooyada, Agaasimeyaasha Waxaayaha Madaxtooyada, Taliyaha Ciidamada Madaxtooyada, Madax-qeybeedyada Xafiisyada iyo dhammaan Shaqaalaha Madaxtooyada ee Garoowe.

Kulanka ayaa looga hadlay dardargelinta shaqada, warbixinta shaqo ee xafiisyada, horumarinta wadasheynta, tababarada iyo fursadaha lagu horumarinayo aqoonta shaqaalaha iyo hirgelinta qorsheyaasha horumarin ee Shaqada Madaxtooyada.

• 
• 
• 
• 
• 
• 
• 
• 
• 

PUNTLAND POST

The post Shirweyne ka dhacay Madaxtooyada Puntland appeared first on Puntland Post.