Jabhadda ONLF Oo Soo Dhaweysay Is-casilaadii Wasiirka Haweenka Itoobiya

[Deeq A.]

Jabhadda Xoreynta Ogaadeeniya ee ONLF ayaa soo dhaweysay iscasilaadda ay sameysay wasiirkii wasaaradda Haweenka iyo carruurta dalka Itoobiya Filsan Cabdulaahi.

Qoraal ay soo saartay Jabhadda ayaa lagu sheegay in ay jabhadu soo dhaweyneyso tallaabada geesinimada leh ee ay qaaday marwo Filsan.

Jabhadda ONLF ayaa ku eedeysay dowlada Itoobiya in ayna siin shacabka Soomaalida Itoobiya xaqa ay ku lahaayeen inay ka helaan xukuumadda uu raysal wasaaraha ka yahay Abiy Ahmed.

Filsan Cabdullahi ayaa ah mas’uulkii ugu horreyay ee heer federaal ah oo qiray in kufsi iyo jidh-dil ay dhaceen inta ay socdeen dagaaladii TPLF iyo Ciidammada Itoobiya.

Bayaanka ay soo saartay Jabhadda ONLF ayaa sidoo kale lagu sheegay in mowqifka doorashada lagu waday inay ka dhado deegaanka Soomaalida Itoobiya uu yahay sidiisii ayna qaadaceen.

Source