Galmudug oo Villa Somali ku eedaysay fashilinta Wada-hadalkii Farmaajo iyo Rooble

[Deeq A.]

Waan-waantii laga dhex-waday madaxweyne Farmaajo iyo Ra’iisul wasaare Rooble ayaa fashil ku dhammaatay sida laga soo xigtay madaxtooyada Galmudug.

Wasiiru-dowlaha madaxtooyada Galmudug oo lagu magacaabo Cumar Shiddo ayaa sheegay in ay fashilantay waan-waantii labada dhinac uu ka dhex waday madaxweyne Axmed Qoor Qoor, kadib markii Villa Somalia caqabad ku noqotay.

“Dadaal badan oo uu bixiyay Madaxweynaha Galmudug oo marxalado badan soo maray iyadoo xiliyada qaar ay shirarku qaadanayeen ku dhawaad 18 saac, ayaa gunaanadkii wuxuu caawa kusoo dhamaaday fashil, iyadoo Rw Rooble garabkiisa ay muujiyeen biseyl badan halka dhinaca kalena lagala kulmay caqabad aad u waaweyn oo soo dadajisay inuu wada hadaladii socday caawa ay istaagaan.”

Wasiiru-dowle Cumar Shiddo ayaa tilmaamay in Galmudug mar kasta u taagantahay xallinta Khilaaf walba oo caqabad ku ah doorashooyinka iyo Amniga.

“Galmudug waxay u taagan tahay in ay xaliso khilaaf walba oo hormarka, doorashooyinka iyo amniga caqabad ku ah, waxayna qeyb ka noqon doontaa dadaal walba oo dowladnimada Soomaaliya ku hana qaadi karto.”

PUNTLAND POST

The post Galmudug oo Villa Somali ku eedaysay fashilinta Wada-hadalkii Farmaajo iyo Rooble appeared first on Puntland Post.