Jabuuti oo beenisay in ay xanibtay Fahad Yaasiin

[Deeq A.]

Dowladda Jabuuti ayaaa beenisay in ay xanibtay diyaarad uu saarnaa Fahad Yaasiin Xaaji Daahir La-taliyaha amniga Madaxweyne Farmaajo.

Wasiirka Arrimaha Dibadda Jabuuti Maxamuud Cali Yuusuf ayaa qoraal soo dhigay bartiisa Twitter-ka ku yiri “Waxaa jira warar been abuur ah oo lagu faafiyay baraha bulshada oo isku dayaya inay abuuraan jaahwareer iyo inay Jabuuti u jiidaan caqabadaha gudaha Soomaaliya. Waxaan sii wadi doonnaa inaan garab istaagno walaalaheenna Soomaaliya laakiin marnaba ma faragelinno arrimahooda gudaha”.

There are fake news released in social media trying to create confusion and drag Djibouti into Somalia internal challenges and crisis . We will continue to stand by our brothers and sisters in Somalia but never interfere in their internal affairs .

— Mahmoud Ali youssouf (@ymahmoudali) September 17, 2021

Sidoo kale Wasiirka Arrimaha Dibadda Jabuuti ayaa yiri “Dhammaan rakaabkii saarnaa dayuuraddii Turkish Airways ee maanta Muqdisho u socotay waxay ku noqon doontaan Istmbul si ay u raacaan duullimaad kale oo Muqdisho u socda.”

All passengers onboard of today’s Turkish flight to Mogadishu will go back to Istanbul to embark on another flight to Mogadishu .

— Mahmoud Ali youssouf (@ymahmoudali) September 17, 2021

Wasiirka ayaa sheegay in duulimaadku u baaqday cilad farmo oo diyaarada ku timid “Duulimaadkii maanta ee diyaaradda Turkish Airlines oo Muqdisho ku sii jeeday ayaan ka soo kicin Jabuuti sababo la xiriira cilado farsamo sida ay shirkaddu sheegtay” ayuu Twitter-ka ku yiri.

The today’s Turkish Airlines flight scheduled to Mogadishu did not take off from Djibouti due to technical problems according to the company ( one of the pilots did it have the special autorisation to land in Mogadishu .

— Mahmoud Ali youssouf (@ymahmoudali) September 17, 2021

Hadalka ka soo baxay Jabuuti ayaa ku soo aadaya, iyadoo Agaasimaha Warfaafinta Madaxtooyada Soomaaliya Cabdirashiid Xaaashi uu sheegay in Garoonka Diyaaradaha Jabuuti lagu xannibay Agaasimihii hore ee Hay’adda Sirdoonka NISA, Fahad Yaasiin Xaaji Daahir iyo saraakiil Soomaaliyeed oo la socotay.

PUNTLAND POST

The post Jabuuti oo beenisay in ay xanibtay Fahad Yaasiin appeared first on Puntland Post.