Midowga Murashixiinta oo si adag u cambaareeyay Madaxweyne Farmaajo

[Deeq A.]

Golaha Midowga Murashixiinta Soomaaliya, ayaa si adag u cambaareeyay Magacaabistii uu xalay sameeyay Madaxweynaha mudda-xileedkiisu dhammaaday ee Maxamed Cabdullaahi Farmaajo.

War-saxaafadeed ka soo baxay Midowga Murashixiinta, ayaa lagu tilmaamay Go’aanka Madaxweyne Farmaajo mid baalmarsan Dastuurka Sharciga dalka, islamarkaana lagu carqaladaynayo dadaallada uu wado Ra’iisul wasaare Rooble, ee ku aaddan in baaritaan daah-furan iyo caddaalad la marsiiyo Kiiska Ikraan Tahliil.

Golaha ayaa sidoo kale Madaxweyne Farmaajo ku eedeeyay in uu xagal-daacinayo in doorashooyin daaf-furan ka dhacaan dalka, sidoo kalena khalkhal gelinayo xasiloonida iyo Ammaanka waddanka, waxaana ay Saraakiisha Ciidamada ugu baaqeen in aysan ka amar-qaadan Madaxweynaha.

PUNTLAND POST

The post Midowga Murashixiinta oo si adag u cambaareeyay Madaxweyne Farmaajo appeared first on Puntland Post.