Fahad Yaasiin oo xil cusub loo magacaabay iyo NISA oo markale Agaasime KMG ah loo magacaabay

[Deeq A.]

^{Fahad (bidix), Farey (dhexda) iyo Cabdisaciid (midig)}

Madaxweynaha Soomaaliya Maxmed Cabdulaahi Farmaajo ayaa Fahad Yaasiin Xaaji Daahir u magacaabay La-taliyaha Amniga Qaranka, kadib markii la sheegay in uu iska casilay agaasimihii NISA.

Sidoo kale Madaxweyne Farmaajo ayaa Yaasiin Cabdullaahi Maxamuud (Yaasiin Farey), oo ahaa Taliyaha Nabad Sugidda ee gobolka Banaadir si KMG ah ugu magacaabay Agaasimahaha Hay’adda Nabad Sugidda iyo Sirdoonka Qaranka.

Cabdisaciid Muuse Cali ayaa isna loo magacaabay Agaasimaha Guud ee Madaxtooyada Soomaaliya.

Dhanka kale Madaxweyne Farmaajo ayaa isugu yeeray Guddiga Amniga Qaranka 18-ka Sebteembar 2021, si looga horjeediyo warbixinta laga dalbaday Hay’adda Nabad Sugidda iyo Sirdoonka Qaranka.

PUNTLAND POST

The post Fahad Yaasiin oo xil cusub loo magacaabay iyo NISA oo markale Agaasime KMG ah loo magacaabay appeared first on Puntland Post.