Xukumada S/land oo Dawlad-degaanka Somalida Itoobiya ku wareejisay Gaadhi laga soo dhacay & Dadkii lagu qabtay+Sawirro

[Deeq A.]

Xukumada S/land oo Dawlad-degaanka Somalida Itoobiya ku wareejisay Gaadhi laga soo dhacay & Dadkii lagu qabtay

 

Gaadhi noociisu yahay NISSAN DEISEL (iskarogo Shaamboo ah) oo bilaa taariko Number ah gacantana ay kusoo dhigeen ciidanka Booliska Somaliland gaar ahaan Saldhiga Macalin Haaruun goor saacaddu ahayd 2:00 am habeennimo muddo laba bilood ku dhaw ayaa baadhitaan lagu hayey aakhirkii waxa la ogaaday in lagala soo baxsaday dawlad deegaanka Soomalida, waxa xarunta maamulka Gobolka Maroodijeex noogu yimid nin ganacsade ah kana soo jeeda Dawlad deegaanka Soomaalida oo watta buuggii gaadhigan kuna dhamaayeen dhammaan astaamihii sharci ee mulkiyadeed.

Heshiiska wada shaqayneed ee xuduudaha una dhexeeya Somaliland iyo Dawlad deegaanka Soomalida iyo guud ahaan Dawladda Federalka Ethiopia oo labada dhinacba ay fuliyaan aadna u wanaagsan wakhtigan aawadeed waxaanu xukuumad ahaan ku wareejinay gaadhigii oo dhamaystiran, eedaysanihii watay iyo Ganacsadihii sheegtay in lagala soo baxsaday laamaha amaanka ee Dawlad Deegaanka Soomalida.

Qaran News