Ururka Daalibaan Oo la wareegay Panjshir iyo Mucaaradka oo Baxsaday

[Deeq A.]

Dagaalamayaasha Daalibaan ayaa la sheegay in ay si buuxda ula wareegeen Gobalkaasi oo ay haysteen Kooxda Xoogaga Iska-caabinta Daalibaan ee NRFA.

Afhayeenka Daalibaan, Bilaal Kariimi ayaa waxaa uu shaaciyey in ay si buuxda ula wareegeen Gobalkaasi. Qoraal uu soo dhigay Barta Twitter-ka ee Daalibaan ayuu ku sheegay in Gobalka Panjshir uu soo galay gacanta Imaaradda Islaamiga er Afganistaan.

Dhinaca kale, Dagaalamayaasha Daalibaan ayaa waxaa ay dabaaldeg ka dhigeen Caasimada dalkaasi ee Kabul, iyago rasaas Hawada Sare u ridayey.

Madaxda Kooxda Iska-caabinta Gobalka Dooxada Panjshir waxaa la sheegay inay u baxsadeen dalka Tajakistan, kadib markii ay Daalibaan gudaha u soo galeen Gobalkaasi.

PUNTLAND POST

The post Ururka Daalibaan Oo la wareegay Panjshir iyo Mucaaradka oo Baxsaday appeared first on Puntland Post.