Dagaal u dhaxeeya kooxda Taalibaan iyo koox kale oo ka qarxay dalka Afghanistan

[Deeq A.]

Panshir (Caasimada Online) – Dagaal culus ayaa la sheegay inuu dhexmaraya xoogagga Taalibaan iyo maleeshiyaadka iska caabinta dooxada Panshir ee dalka Afqaanistaan.

Taalibaanku waxay sheegeen inay la wareegeen deegaanno khasaaro culusna gaarsiiyeen kooxda iskaaabinta ee NRF

Balse kooxda NRF ayaa sheegtay inay gacanta ku hayaan marinada laga gala dooxada, Taalibaanna ay ka dileen boqolaal dagaalamayaal ah.

Panshir waa gobolka kaligaa ee aan wali gacanta u gelin Taalibaan, waxaana la rumeysan yahay in boqolaal dagaalamayaal ah ay halkaasi ku sugan yihiin.

Kooxaha iskacaabinta waxaa ku jira madaxweyne ku xigeenkii hore ee Afqaanistaan Amrullah Saalax, ciidammo horay uga tirsanaa milatariga Afqaanistaan iyo mleleeshiyaad maxalii ah oo u hoggaaminaya hogaamiya qabali ah Axmed Mascuud.

Taalibaan ayaa horay u sheegtay inay wadahdal kula wareegi doonto dooxdani, balse waxay sidoo kale sheegtay inaysan meesha ka saari doonin suuragalnimada inay sidoo kale xoog kula wareeegaan.

The post Dagaal u dhaxeeya kooxda Taalibaan iyo koox kale oo ka qarxay dalka Afghanistan appeared first on Caasimada Online.