Cilmi-baadhis lagu sameeyay cuntada Soomaalida iyo waxa lagu oggaaday

[Deeq A.]

Cilmi-baadhis lagu sameeyay cuntada Soomaalida iyo waxa lagu oggaaday

Warsame

Jaamacadda Guelph oo ku taalla dalka Canada ayaa Cilmi- baaris dhowr sano qaadatay ku sameysay cuntooyinka Soomaalida iyo kaalinta ay kaga jiraan cuntooyinka kale ee dalka Canada.Howshaan Cilmi-baarista ah ayaa bilaabatay dhamaadkii sanadkii 2015-kii,waxaana ugu dambeyn la baahiyay 21-kii bishii May ee sanadkaan.

Canada waxaa ku nool dadyow tira badan oo ka soo jeeda dalal kala duwan kuwaas oo la sheego in qaarkood cuntooyinka ay dhaqan ahaanta u leeyihiin qayb weyn ka qaataan nolasha bulshada sida cuntooyinka Soomaalida.

Warsame Jirde Warsame oo ka mid ah aqoonyahannada cilmi-baarista sameeyay ayaa BBC-da u sheegay in maadama muddo kadib isbaddel ku yimaado cuntoooyinka dadka qaxootiga ku ah dalkaas qoraallo laga sameeyo cuntooyinka sida gaarka ah doorka ugu yeeshay nolasha bulshada, sidaa darteedna ay muhiim u noqotay in dadka kale la tusiyo cuntooyinka dhaqanka u ah Soomalaida.

“Waxaan rabnay inaan tusino doorka cuntooyinka Soomaalidu ay ku leeyihiin dalka Canada iyo sidoo kale ummad walba marka ay meel u soo haajiraan oo ay yimaadaan si ay ummadaas ula qabsato waddankaas oo ay aad ula macaamilaan is dhexgalka, waxaa aad muhiim u ah in dadkaas ay helaan cunto la mid ah cuntooyinkii ay yaqaaneen” ayuu yiri Mr, Warsame .

Cilmi-baaristaan waxaa lagu oggaaday in cuntada Soomaalidu ay tahay cunto dhadhan wanaagsan oo nafaqo ahaanna heerkeedu sareeyo. Sidoo kale waxaa la oggaaday asalka meelaha ay ka soo askuntay iyo in ay yaqaanaan dad aan Soomaali aheyn.

Cuntooyinka aadka Soomaalida loogu yaqaanno waxaa ka mid ah Hilibka iyadoo Cilmi-baaristaanna lagu sheegay in cuntooyinka dadka Soomaalida ah ay ku wanaagsanyihiin dhanka Xalaasha gaarahaanna Hilibka oo ay u cunnaan.Hilibka Xalaasha ah ayaa leh faaiido aad u badan oo dhanka caafimaadka ah iyo dhadhan wanaagsan .

Warsame

Warsame Jirde Warsame oo ah aqoonyahan Soomaali ah oo ka tirsan Jaamacadda Guelph ee Cilmi-baaristaan sameysay ayaa sheegay in ujeedooyinka laga leeyahay Cilmi-baaristaan ay ka mid tahay in la tusiyo in dowladda Canada laga doonayo in ay sameeyso Urur guud oo dowladda hoostaga isla markaana ka shaqeeya Shatiyada waxyaabaha xalaasha ah.Mr Warsame ayaa intaa ku daray”Dowladda Canada waxay markaas oggaanaysaa ganacsi ahaan iyo dhaqaale ahaan in ay aad muhiim u tahay cuntada xalaasha ah in loo sameeyo shahaado dowladda oo damaanad qaadaysa si dadku ugu kalsoonaadaan” .

Cilmi-baarista kadib maxay yihiin tallaabooyinka ay qaadayso dowladda Canada ?

Waxaa ka mid ah ujeedooyinka arrintaan laga leeyahay in bulshooyinka lagu dhiiro galiyo horumarin cuntooyinka ay gaarka u leeyihiin iyo in cuntooyinka Soomaalida qaarkood lagu beero dalka Canada, isla markaana lagu taageero arrintaa dadka taas oo dowladdana laga sugayo hadda in ay ku darto adeegyada ay muhiimadda siinayso marka ay timaaddo ka jawaabidda Natiijada ka soo baxday Cilmi-baaristaan gaarka ah ee lagu sameeyay Asalka,dhadhanka,naffaqada cuntada dadka Soomaalida ah oo oo wlaiba xallaalmimaduna u sii dheertahay .

“Dolwadda Canada waxaaan ka sugaynaa maadaama aan tusinay faaiidada cuntada Soomaalida ay leedahay dhaqaalahana iyo wax walba in marka siyaasadda dowladda Canada lagu daro soo dhaweynta iyo maalgalin lagu smaeeyo cuntada Soomaalida” ayuu yiri Warsame Jirde Warsame.

Jaamacadda Guelph ee sameysay xog aruurinta ku saabsan cuntooyinka Soomaalida,ayaa ku taalla gobolka Ontario ee dalkaasi Canada,waana jaamacadda ugu weyn ee Cilmiga beeraha laga barto,waxaana ay horey Cilmi -baaris ugu sameeysay cuntooyinka jaaliyadaha ku nool dalkaas.

Qaran News