Ra’iisul wasaare Rooble oo lagu soo dhoweeyay Kismaayo

[Deeq A.]

Madaxwaynaha Jubbaland Axmed Maxamed Islaam ayaa maanta magaalada Kismaayo kuso dhaweeyay ra’iisul wasaaraha xukuumadda Soomaaliya. waxaa soo dhaweynta qeyb ka ahaa madaxwayne ku-xigeennada, xubnaha labada gole ee Jubbaland iyo qeybaha kala duwan ee bulshada rayidka Jubbaland.

Ra’iisul wasaaraha waxaa safarka ku wehelinayay qaar katirsan wasiirada iyo xildhibaannada JFS.nSafarkaan ayaa ahaa midkii ugu horreeyay ee uu ra’iisul wasaaruhu ku yimaado Magaalada Kismaayo tan iyo intii uu noqday ra’iisul wasaaraha.

Ra’iisul Wasaaraha iyo wefdigiisa ayaa inta uu joogo Jubaland waxa uu kulammo la yeelan doonaa madaxda, waxgaradka iyo qeybaha kala duwan ee bulshada Jubaland oo uu kala hadli doono arrimaha hirgelinta doorashooyinka, dib u heshiisiinta, nabadgelyada iyo horumarinta degaanka.

Socdaalka Ra’iisul Wasaaraha ayaa sidoo kale daarran dhammeystirka dib heshiisiinta Gedo iyo si guud howlaha doorashooyinka oo uu hormuud ka yahay Ra’iisul Wasaaruhu.

PUNTLAND POST

The post Ra’iisul wasaare Rooble oo lagu soo dhoweeyay Kismaayo appeared first on Puntland Post.