Mas’uul Ka Tirsan Maamulka Gobalka Hiiraan Oo Lagu Dilay Beledweyne

[Deeq A.]

Wararka naga soo gaarayo magaalada Baladwayne ee maagalada madaxda gobalka Hiiraan ayaa sheegaya in xalay koxa hubeysan gudaha magaalada dil ugu geysteen mas’uul ka tirsan maamulka gobalka Hiiraan .

Mas’uulka la dilay ayaa ahaa guddoomiyaha dhalinyarada gobalka Hiiraan oo lagu magacaabi jiray Faarax-Diir Cabdi Garruun.

Garruun ayaa xilligii la dilayay ku sugnaa goob maqaaxi ah oo lagu caweyo, iyadoo kooxihii dilka guddoomiyaha ka dambeyay ay isaga baxsadeen goobta dilka kadib .

Dilka guddoomiyaha kadib ayaa waxaa goobta soo garay ciidamada ka tirsan kuwa ammaanka magaalada Baladwayne, iyagoo baaritaano kooban ka sameyay goobta dilka kadib .

Illa iyo hadda maamulka magaalada Baladwayne iyo kan gobalka Hiiraan kama aysan hadlin dilka Allaah u naxariiste guddoomiyaha gobalka Hiiraan .

Goobjoog News 

Source: goobjoog.com