Milatariga Soomaaliya oo sheegay in ay dileen xubno badan oo Shabaab ah

[Deeq A.]

Ciidamada Milatariga dowladda Federaalka Soomaaliya, ayaa ka warbixiyay hawlgal qorshaysan oo ay ka fuliyeen degaanka Ceelbacad ee degmada Buula-burde oo ka tirsan Gobolka Hiiraan

Taliyaha Qaybta 27-aad ee ciidamada Milatariga Soomaaliya oo lagu magacaabo Gen. Tareedhisho, ayaa warbaahinta u sheegay hawlgalkaas qorshaysan lagu beegsaday dagaallamayaal ka tirsan Al-shabaab, kuwaas oo khasaare kala duwan la gaarsiiyay.

Gen. Tareedhisho ayaa tilmaamay in hawlgalka lagu dilay in ka badan 25 xubnood oo Al-shabaab ah, halka tiro kalena lagu dhaawacay.

Sidoo kale, waxa uu sheegay in howlgalka Ciidamada ay kusoo furteen hubka noocyadiisa kala duwan oo ay lahaayeen Al-Shabaab.

PUNTLAND POST

The post Milatariga Soomaaliya oo sheegay in ay dileen xubno badan oo Shabaab ah appeared first on Puntland Post.