KULMIYE Oo Ka Maquurtay Inuu Ka Qayb Galo Shirka Golaha Dhexe Ee WADDANI Oo Lagu Marti Qaaday In Uu Ka Qayb Galaan.

[Deeq A.]

Xisbiga Talada Somaliland haya ee Kulmiye, ayaa ka maquurtay inuu ka qayb galo Shirka Golaha dhexe ee Xisbiga Waddani, oo lagu marti qaaday in ay marti sharaf ahaan uga qayb galaan.

Shirkan oo saaka ka furmay Hargeysa, oo lagu soo marti qaaday xisbiyada UCID iyo Kulmiye, ayaa waxa ka soo xaadiray Masuuliyiinta UCID oo keliya, halka ay ka baaqdeen madaxda KULMIYE.

Cabdinaasir Yusuf, oo ka tirsan UCID oo ka hadlay shirkan Golaha Dhexe ee Waddani, ayaa ku hambalyeeyey qabashada shirkooda

Guddoomiyaha Golaha dhexe ee Xisbiga Waddani Cismaan Afgaab oo ka hadlay shirkan, ayaa sheegay in ay Kulmiye ku casuumo shirka, balse ay ka xun yihiin in ay iman waayaan.

Lama oga sababta uu Xisbiga Kulmiye uga baaqday Shirkan Masuuliyiinta Waddani ay sheegeen ku casuumeen.

Source