Gudoomiyaha Baanka dhexe ee Somaliland oo shaaciyey inu Kor-u-kac ku yimi Qiimaha Shillinka S/land+Sababta

[Deeq A.]

Gudoomiyaha Baanka dhexe ee Somaliland oo shaaciyey inu Kor-u-kac ku yimi Qiimaha Shillinka S/land+Sababta

Guddoomiyaha Baanka Dhexe ee JSL Cali Ibraahim Jaamac ” Baqdaadi” ayaa  qoraal uu soo dhigay bartiisa Facebook-ga soo dhigay qoraal uu kaga hadlayo korukac  ku yimi Qiimaha Shilinka S/land Qoraalkaas ayaa u dhignaa sidatan:-

KOR-UKAC KU YIMID QIIMAHA SHILLINKA JSL (O.2%).

Qiimaha SLSH ayaa maanta oo ay taariikhdu tahay 18th March, 2021 kor-ukacay 0.2% marka la barbardhigo Doolarka Maraykanka (US $).

Shalay, qiimaha halka Doollar waxa uu ahaa SLSH 8,470, halka uu maanta qiimaha SHSL kor ugu kacay 8,450.

Waxa qiimo korodhkaa sababay baahi weyn oo Ganacsatadda & Bulshaddu u qabto isticmaalka SLSH, siiba musharaxiinta Golayaasha oo u baahday SHSL si ay ugu bixiyaan cashuurta iyo ololaha ay ku jiraan.

Balse, Baanka Dhexe ee JSL, isaga oo eegaya maciishada dadka dakhligoodda ku hela doollarka Maraykanka, waxaa uu Baanka Dhexe ku dadaalayaa inuu Qiimaha halka dollar ku soo celiyo SLSH 8,500.

Waxa xusid mudan in qayb wayn oo ka mid ah bulshada danyarta ah laga soo biiliyo Dibedda. Waxa kale oo jira dad tiro badan oo mushaharkoodda ku qaata doollar sidda shaqaallaha Meheraddaha Ganacsiga, Iskuuladda & Cisbitaaladda gaarka loo leeyahay, Haay’adaha NGO’s iwm.

Waxa waajib ah inaanu qiima dhaca doolarku saamayn weyn oo taban ku yeelan nolol maal-meedkooda.

Waxa waajib ah in la isku miisaamo taklifadda nolosha labadda dhinac ee dakhliga ku kala hela SLSH iyo Doollar.

Sidaa awgeed, yoolka Baanka Dhexe ee 2021 waa inuu qiimaha halka doollar ku hayo agagaarka SLSH 8,500, oo aanu u aragno inuu yahay Sicir Caadil ah ( Fair market rate ).

Wa billahi Tawfiq

Cali Ibraahim Jaamac

Guddoomiyaha Baanka Dhexe ee JSL.

Qaran News