Ciidamada Puntland oo dib u soo furtay maxaabiis Al-shabaab kala baxday xabsiga Boosaaso

[Deeq A.]

Ciidamada difaaca dowladda Puntland, ayaa shaaciyay in ay maanta dib u soo furteen maxaabiis badan oo Al-shabaab kala baxday xabsiga weyn ee Boosaaso.

Qoraal ka soo baxay Ciidanka xoogga Puntland ee PSF, ayay ku sheegeen in ay dib u soo furteen intii badnayd maxaabiistii laga fakiyay xabsiga Boosaaso, kadib markii Al-shabaab dhowaan halkaas weerartay.

“Ciidanku waxay ku guulaysteen in ay dib u soo qabqabtaan intii badnayd maxaabiistii falalka argagixisanimo ku eedaysnaa ee fakaday.” Ayaa lagu yiri qoraalkaas.

Sidoo kale, Waxa qoraalka lagu xusay in ciidanku ay wadaan hawlgal lagu baacsanayo kooxaha Al-shabaab iyo Daacish.

PUNTLAND POST

The post Ciidamada Puntland oo dib u soo furtay maxaabiis Al-shabaab kala baxday xabsiga Boosaaso appeared first on Puntland Post.