Ciidamada DF oo xubo ka tirsan Al-Shabaab ku dilay gobolka Sh/ Dhexe

[Deeq A.]

Wararka ka imaanaya gobolka Shabeelaha Dhexe ayaa sheegaya in saacadihii lasoo dhaafay ciidamada dowladda ay howl-gallo ka fuliyeen qeybo ka mid ah gobolkaasi.

Howl-gallada ayaa si gaar ah ciidamada Xoogga, gaar ahaan qeybt 16-aad waxa ay uga fuliyeen deegaanka Gamboole oo hoostaga degmada Jowhar ee xarunta Sh/Dhexe.

Saraakiisha horkaceysay howl-galladan ayaa shaaca ka qaaday inay dileen ku dhowaad 10 dagaalame oo ka tirsanaa Xarakada Al-Shabaab.

Sidoo kale saraakiisha ayaa tilmaamay in qabsadeen hub farabadan iyo saanad milatari, sida ay hadalka u dhigeen.

Xaaladda ayaa haatan aad u kacsan, waxaana weli dhaq-dhaqaaqyo iska soo horjeedo laga dareemayaa duleedka magaalada Jowhar ee caasimadda maamulka HirShabelle.

View the full article