Sarkaal ka tirsan Al-Shabaab oo isku soo dhiibay ciidanka dowladda

[Deeq A.]

Sarkaal ka tirsanaa Al-Shabaab ayaa isku soo dhiibey ciidanka Xoogga dalka ee ku sugan jiida hore ee magaalada Bacaadweyne, kaddib markii uu xiriiro lasoo sameeyay ciidanka Guutada 13-aad, qeybta 21-aad ee ka howl-gala deegaanada maamulka Galmudug.

Cabdulle Xuseen Maxamuud, oo loogu yeeri jiray (Cabdiqani) ayaa sheegay in uu Al-Shabaab u iskaga soo baxay, uuna isku soo dhiibay ciidamadda Xooga dalka.

Sidoo kale Cabdiqani ayaa sheegay in uu kasoo dagaallamay gobollo badan oo ka tirsan Soomaaliya, wuxuuna Al-Shabaab u qaabbilsanaa hoggaaminta qayb ka mid ah jabhaadka geysta weerarada ay fuliyaan dagaalyahanada Xarakada Al-Shabaab.

Sarkaal u hadlay ciidanka Xoooga dalka ayaa sheegay in Cabdiqani uu xiriir la soo sameeyay ciidanka, sidaasna ay ugu suurta gashay in uu isku soo dhiibo.

View the full article