Sawirro: Maxay ka wada-hadleen Qoor Qoor & midowga musharraxiinta?

[Deeq A.]

Madaxweynaha Galmudug ayaa xalay ku booqday guryahooda Madaxweyneyaashii hore Xasan Sheekh Maxamuud, Sheekh Shariif Sheekh Axmed iyo Ra’iisul Wasaarihii hore ee Xasan Cali Khayre, kuwaas oo ka mid ah midowga musharraxiinta mucaaradka

Kulankan ayaa ku qotomay kala warqaadasho xaaladda siyaasadeed ee dalka iyo sidii loo maareyn lahaa marxaladda kala guurka ah ee xilligaan dalku marayo.

Qoor Qoor ayaa saddexda mas’uul uu la kulmay sidoo kale ka dhageystay cabashadooda ku aadan rabashadihii dhowaan ka dhacay magaalada Muqdisho.

Sidoo kale labada dhinac ayaa ku ballamay kulamo kale, si loo sii amba qaado wada-hadallada ku aadan sidii xal looga gaari lahaa marxaladda siyaasadeed ee dalka.

Soomaaliya ayaa xilligan wajaheysa xaalad kala guur ah, waxaana weli khilaaf xoogan uu ka taagan yahay hannaanka doorashooyinka ee sanadkan 2021-ka.

Halkan hoose ka daawo sawirrada:-

View the full article