Guddiga Farsamada oo shaaciyay in xal rasmiya laga gaaray muranka doorashooyinka

[Deeq A.]

Guddiga Farsamada ee dowladda Federaalka, dowlad goboleedyada dalka iyo Gobolka Banaadir oo ku shirsanaa magaalada Baydhabo, ayaa xal rasmiya ka gaaray Qodobadii lagu muransanaa ee Arrimaha hirgelinta doorashooyinka.

Guddiga ayaa shaaciyay in xal dhammaystiran laga gaaray ilaa shan qodob oo ku saabsan hirgelinta doorashooyinka, kuwaas la isku-hayay, waxaana Qodobaas kamid ah Arrinta Somaliland, Guddiga doorashooyinka iyo xaaladda Gobolka Gedo.

Guddigu faahfaahin kama bixin Qaabka looga heshiiyay Qodobadaas, balse waxay sheegeen in Madaxda sare ay ku wargeliyay, islamarkaana la isku raacay.

Sidoo kale, Guddigu waxay ku baaqeen in 18-ka bishan oo ku beegan Khamiista ay shir isu’gu yimaadaan dowladda Federaalka, dowlad goboleedyada dalka iyo Gobolka Banaadir.

PUNTLAND POST

The post Guddiga Farsamada oo shaaciyay in xal rasmiya laga gaaray muranka doorashooyinka appeared first on Puntland Post.