Baarlamanka Puntland oo ansixiyay Hindise-sharciyeedka diiwan-gelinta Codbixiyaasha

[Deeq A.]

Mudanayaasha Baarlamanka Puntland, ayaa maanta oo Khamiis ah ansixiyay Hindise-sharciyeedka diiwaan-gelinta Codbixiyaasha Puntland, oo maalmo ka hor loo gudbiyay Golaha.

Kalfadhiga 47-aad ee Golaha Wakiilada Puntland Fadhigiisa 26-aad oo maanta qabsoomay, islamarkaana ay soo xaadireen 42 mudane, waxaa shir-guddoominayay Guddoomiyaha Baarlamanka Cabdirashid Yusuf Jibril, oo ay weheliyaan labadiisa ku xigeen.

Xildhibaanada Golaha Wakiilada ayaa cod u qaaday Hindise-Xeereedka Diiwaan-gelinta Cod-bixiyaha waxaana u codeyay Ogol 40 Xildhibaan, 2 mudane ayaa diiday, halka aysan jirin cid ka aamustay.

Hindise-Xeereedka Diiwaan-gelinta Cod-bixiyaha ayaa si faah-faahsan uga hadlaya dadka xaqa u leh is diiwaan-gelinta, habka diiwaan-gelinta, hir-gelinta wacyi-gelinta diiwaanka cod-bixinta, waxa uuna ka kooban yahay 36 Qodob.

PUNTLAND POST

The post Baarlamanka Puntland oo ansixiyay Hindise-sharciyeedka diiwan-gelinta Codbixiyaasha appeared first on Puntland Post.