Diyaarada Ethiopian Airlines qeybta xamuulka oo duullimaad ka bilowday Boosaaso

[Deeq A.]

Magaalada Boosaaso waxaa maanta laga daah-furay Diyaarada Ethiopian Airlines qeybta xamuulka (Cargo) oo ka shixnado ganacsi ka qaadi doonta Puntland.

Wasiirka Duulista Hawada Puntland Ilyaas Cismaan Lugatoor, Qunsulka Ethiopia u fadhiya Puntland Degnachew Yitbarek, Xildhibaan ka tirsan Baarlamaanka Puntland, Ganacsato ka soo jeeda dalka Ethiopia, Maamulka Airport Boosaaso, qaar kamid ah ganacsatada Gobolka Bari, iyo mas’uuliyiin kale ayaa ka qeybgalay munaasabadda.

Wasiirka Duulista Hawada Puntland ayaa sheegay in ay muhiimad gaar ah u leedahay duullimaadka kowaad ee Diyaarada Ethiopian Airlines qeybta xamuulka ka bilowday Boosaaso, sidoo kale wuxuu xusay in dhawaan mid kamid ah ganacsatada waaweyn ee Ethiopia uu Boosaaso ka qaadan doono kalluunka.

Qunsulka Ethiopia u jooga Puntland iyo ganacsatada dalka Ethiopia ayaa dhankooda ballanqaaday in ay dowladda Puntland iyo ganacsatada Gobolka Bari kala shaqeyn doonaan sidii loo xoojin lahaa xirriirka labada dhinac ee iskaashiga dhaqaalaha iyo hormarka Puntland.

Guddoomiye Gobolka Bari Cabdisamad Abwaan ayaa ku soo dhaweeyay Gobolka Bari Qunsulka Ethiopia ee u fadhiya Puntland iyo Ganacsatada dalka Ethiopia wuxuuna ku boogadiyay in la xoojiyo xirriika labada dhinac ee ka shaqeeynta hormarka iyo dhaqaalaha.

Daahfurka Diyaarada Ethiopian Airlines qeybta xamuulka (Cargo) ayaa sii xoojinaya xirriirka ganacsi ee dhaxeeya Puntland iyo Ethiopia.

PUNTLAND POST

The post Diyaarada Ethiopian Airlines qeybta xamuulka oo duullimaad ka bilowday Boosaaso appeared first on Puntland Post.