Shacabka Muqdisho oo aragti ka dhiibtay shirka Dhuusamareeb

[Deeq A.]

Qaar ka mid ah shacabka ku dhaqan magaalada Muqdisho ee caasimadda Soomaaliya ayaa ka hadlay aragtidooda ku aadan shirka wada-tashiga ah ee maanta ka furmay magaalada Dhuusamareeb ee caasimadda dowlad goboleedka Soomaaliyeed ee Galmudug.

Dadweynaha la hadlay Shabelle ayaa marka hore soo dhoweeyey furitaanka shirkaas oo u dhexeeya dowladda federaalka, dowlad goboleedyada iyo gobolka Banaadir.

Sidoo kale waxa ay ugu baaqeen madaxda Soomaaliyeed inay tanaasul muujiyaan, islamarkaana ay xal mideysan ka gaaraan doorashooyinka dalka ee 2021-ka.

Hadalkan ayaa ku soo aadaya, iyada oo si rasmi ah u billowday shirka Dhuusamareeb oo la filayo in xal rasmi ah looga gaarayo doorashada dalka ee 2021-ka.

View the full article