Urur Goboleedka IGAD oo shir ka yeelanaya dacwad Soomaaliya ka gudbisay dowladda Kenya

[Deeq A.]

Xukuumadda Federaalka Soomaaliya, ayaa shaacisay in ay dacwad ka gudbisay dowladda Kenya, kadib markii ay fara-gelin ku samaysay Arrimaha Gudaha Soomaaliya.

War Qoraal ah oo ka soo baxay Wasaaradda Arrimaha Dibadda Soomaaliya, ayaa lagu sheegay in Dacwadda loo gudbiyay Shir-guddoonka Urur Goboleedka IGAD, ahna Ra’iisul wasaaraha Suudaan Cabdalla Xamduuk.

Qoraalka waxaa sidoo kale lagu xusay, in Madaxda dowladaha Urur Goboleedka IGAD ay shir ka yeelan doonaan Dacwadda Soomaaliya u gudbisay ee ka dhanka ah Kenya, taasi oo ku saabsan fara-gelinta Arrimaha Gudaha.

Wasaaradda Arrimaha Dibadda Soomaaliya, waxay sheegtay in Shirka Madaxda IGAD ee ku saabsan xal u helidda Muranka Kenya iyo Soomaaliya uu 20-ka bishan December ka qabsoomi doona waddanka Jabuuti.

PUNTLAND POST

The post Urur Goboleedka IGAD oo shir ka yeelanaya dacwad Soomaaliya ka gudbisay dowladda Kenya appeared first on Puntland Post.