Deeq A. Posted October 9, 2020 Oday kamid ah mudaharaadayaasha oo la hadlaya warbaahinta Qaar kamid ah shacabka degmada Badhan ee gobolka Sanaag ayaa maanta oo Jamce ahayd mudaharaad cabasho ah ka dhigay degmadaas. Mudaharaadka ayaa looga soo horjeeday saami qeybsiga 5 xubnood oo Wasaaradda Arrimaha Gudaha Puntland ku hordhisay golaha deegaanka degmada Badhan. Qaar kamid ah mudaharaadayaasha oo la hadlay warbaahinta ayaa eedeyn u jeediyay Wasiirka Arrimaha Gudaha Puntland Maxamed Cabdiraxmaan Dhabancad oo ay sheegeen in uusan caddaalad ku qeybin xubnaha cusub, kalana tashan qaar kamid ah beelaha deegaanka. Mudaharaadayaasha ayaa dowladda ka codsaday in ay wax ka qabato cabashadooda la xiriirta saami qeybsiga golaha deegaanka degmada Badhan. Golaha deegaanka degmada Badhan ayaa la dhisay bishii September ee sanadkii hore, waxayna ahaayeen 28 xubnood, basle hadda waxay noqonayaan 33 xubnood. Wareegtada lagu magacaabay 5-ta xubnood PUNTLAND POST The post Mudaharaad ka dhacay Badhan appeared first on Puntland Post. Share this post Link to post Share on other sites
