Goormaa Baarlamaanka la horgeyn doonaa heshiiska doorashada?

[Deeq A.]

Heshiiska hannaanka doorashada ee ay gaareen madaxweyne Farmaajo, madaxweynayaasha dowlad goboleedyada iyo guddoomiyaha gobolka Banaadir ayaa maalinta sabtida ee todobaadka dambe la horgeyn doonaa Baarlamaanka Soomaaliya.

Guddoomiye ku xigeenka kowaad Aqal Sare ee Baarlamaanka Soomaaliya Abshir Bukhaari ayaa sheegay in heshiiskaas ay kulan wadajir ah ku ansixin doonaan labada aqal ee Baarlamaanka.

• Guddoonka Aqalka Sare

Senator Bukhaari oo hadal ka jeediyay kulan madaxweynayaasha dowlad goboleedyada loogu qabtay Muqdisho ayaa rajo weyn ka muujiyay meelmarinta heshiiskaas.

“Shir ay maanta isku yimadeen madaxweyne Farmaajo, madaxweynayaasha dowlad goboleedyada iyo guddoonka labada aqal ee Baarlamaanka Soomaaliya, waxaa lagu go’aamiyay in heshiiska doorashada kulan wadajir ah (labada aqal) lagu ansixiyo maalinta sabtida” ayaa yiri Senator Bukhaari.

Qodobada heshiiska hannaanka doorashada ku jira ee aan la qeexin, waxaa kamid ah, soo xulista ergada oo sida lagu sheegay heshiiska ay iska kaashan doonaan odayaasha dhaqanka, bulshada rayidka ah iyo dowlad goboleedyada.

PUNTLAND POST

The post Goormaa Baarlamaanka la horgeyn doonaa heshiiska doorashada? appeared first on Puntland Post.