Xubno ka tirsan Al-Shabaab oo lagu dilay G/ Shabeelaha Hoose

[Deeq A.]

Ciidamada Xoogga dalka Soomaaliyeed ayaa saacadihii la soo dhaafay howl-gallo ballaaran ka sameeyey duleedka deegaanka Bariire ee gobolka Shabeelaha Hoose.

Howl-gallada oo sidoo kale ahaa kuwa qorsheysan ayaa waxaa ciidamadu ay ka fuliyeen inta u dhexeysa deegaanada Bariire iyo Lambar 50 ee gobolkaasi.

Saraakiisha hoggaamineysay baaritaanadaasi ayaa sheegay inay dileen xubno ka tirsanaa Al-Shabaab oo ku sugnaa tuulooyin hoostaga deegaanka Bariire.

Weli ma jiro wax hadal ah oo ka soo baxay dhanka Xarakada Al-Shabaab oo ku aadan howl-galladaasi.

Xaaladda ayaa haatan kacsan, waxaana dhaq-dhaqaaqyo iska soo horjeeda laga dareemayaa gobolka Shabeelaha Hoose ee Koonfur Galbeed Soomaaliya.

View the full article