Dhacdo la yaab leh:Nin qaawan oo ceydhsanaya doofaar kala cararay dhar iyo Laptop

[Deeq A.]

Dhacdo la yaab leh:Nin qaawan oo ceydhsanaya doofaar  kala cararay dhar iyo Laptop

Magaaladaasi Berlin ee dalka Jarmalka waxaa horraantii usbuucan ka dhacday dhacdo ay aad u hadal hayaan warbaahinta caalamka kadib markii uu soo shaac baxay sawirka nin qaawan oo ceydhsanaya doofaar kala cararay bac ay ku jiraan dharkiisii iyo waliba kombuyuutar Labtop ah.

Dhacdadan ayaa ka dhacday beer loo yaqaan Teufelssee ee magaalada Berlin, waxaana ay dhacday xilli uu ninkani dhabarka u jiifay oo uu qorraxeysanayay islamarkaana uu cunayay Pizza.

Doofaarkan iyo labadiisa cunug oo baahnaa ayaa soo carafsaday pizzaha ninkan, waxaana uu bedelkii qaatay bac dhar iyo labtop ku jiraan.

doofaarka ayaa ugu dambeyn laga soo dhigay bacda .

Adele Landauer oo ah gabadh isla beertaasi ku qorraxeysaneysay ayaa sawirrada ka qaaday ninkan, waxaana markii ay tustay isku afgarteen in warbaahinta loo bandhigo maadaama laga maadsan karo.

Sida ka muuqata sawirrada dadka goob-joogg u ahaa dhacdadan ayaa la yaaban hab-dhaqanka ninkan waayeelka ah, qaar qosolka ayaa ka dhamaaday, qaarna layaab ayay ku noqotay.

Qaran News