Ciidamada Danab iyo kuwa Cadaan ah oo howl-gal ka fuliyey degmada Jilib

[Deeq A.]

Faah faahino dheeraad ah ayaa ka soo baxaya howl-gal qosheysan oo si wadajir ah ciidamada Kumaandooska Soomaaliya ee Danab oo garab ka helay kuwa Faransiiska ay xalay uga fuliyeen qeybo ka mid ah degmada Jilib oo ka tirsan gobolka Jubbada Dhexe.

Howl-galka ayaa waxaa xigay iska hor imaad dhex-maray ciidamada huwanta oo saq dhexe diyaarado ku tegay halkaasi iyo dagaalyahano ka tirsan Xarakada Al-Shabaab.

Saraakiil ka tirsan ciidamada Xoogga ayaa sheegay in howl-galkaasi ay ku bartilmaameedsadeen goobo ay ku sugnaayeen Al-Shabaab oo waxyaabaha qarxa lagu keydiyo, islamarkaana ay ku gaarsiiyeen khasaare dhimaasho dhaawacba leh.

Xaaladda ayaa hadda ah mid  YARE degan, waxaana howl-galkan weli ka hadlin dagaalyahanada Al-Shabaab oo ku xoogan gobollada Jubbooyinka ee K/ Somalia.

View the full article