Sawirro: Ciidamada maamulka Jubbaland oo fashiliyey qararxyo

[Deeq A.]

Wararka naga soo gaaraya gobolka Jubbada Hosoe ayaa sheegaya in saacadihii la soo dhaafay ciidamada Jubbaland ay fashiliyeen qaraxyo, kadib howl-gallo ay ka sameeyeen deegaano ka tirsan gobolkaasi oo ay ku xoogan yihiin dagaalyahanada Al-Shabab.

Howl-gallada oo ahaa kuwa ballaaran ayaa waxaa si gaar ah u fuliyey ciidamada nabad sugida maamulkaasi, waxaana ay gacanta ku soo dhigeen waxyaabo qarxa.

“Ciidanka Nabad Sugida iyo Sirdoonka Jubbaland ayaa hawlgallo ay sameyeen 24-saac ee la soo dhaafay waxaa ay ku fashiliyeen keyd bambaanoyin iyo miino oo ay Al-Shabaab ku duugteen Xaafada Shaqaallaha gaar ahaan aaga suuqa sariiraha” ayaa lagu yiri war kasoo baxay taliska.

Sidoo kale ciidanka Nabad suggida Jubbaland ayaa xusay in ay qabteen labo xubnood oo ka tirsan Al-Shabaab, kadib howlgal ay ka fuliyeen deegaanka Yoontoy.

Si kastaba ha’ahaatee ciidamada Jubbaland iyo kuwa dowladda ayaa maalmihii dambe kordhiyey dhaq-dhaqaaqyada milatari ee ay ka wadaan gobollada Jubbooyinka.

Halkan hoose ka hoose ka daawo sawirrada:-

View the full article