Maxkamadeynta askari dad shacab ah ku dilay Muqdisho oo bilaabatay

[Deeq A.]

Xasan Aadan Xasan oo lagu eedeeyey inuu dil bareer ah u geystay laba marxuum oo kala ahaa Madiino Cabdullahi Cabdi iyo Xasan Cali Cadaawe bishii 4-aad-ee sanadkan 2020-ka ayaa maanta la horgeeyay maxkamadda ciidamada qalabka sida ee Soomaaliya.

Falka dilka ah ee lagu soo eedeeyey Xasan ayaa ka dhacay degmada Boondheere ee gobolka Banaadir, horraantii bishii Ramadaan , kaasi oo sababay banaan-bax xooagn oo ay sameeyeen qaar ka mid ah shacabka M/ Muqdisho oo ka carooday falkaasi dilka ah.

Cabdiraxmaan Nuur Maxamed Fiqi oo ahaa baaraha kiiskaasi ee laanta dambi baarista CID-da ayaa maxkamadda u soo gudbiyey cadeymo muujinaya in eedeysanaha uu galay dambiga lagu soo eedeeyey, islamarkaana uu si ku talagal ah uu udilay marxuumiintaasi.

Sidoo kale Qareenadii u doodayey eedeysanaha ayaa maxkamadda ka codsaday in loo qafiifiyo ciqaabta uu muteysan karo. Xasan Aadan Xasan.

Ugu dambeyn guddoomiyaha maxkamadda ciidamada qalabka sida, G/Sare, Xasan Cali Nuur Shuute oo soo xiray dhageysiga dacwadda ayaa sheegay in maxkamaddu ay go’an kama dameys ka soo gaari doonto kiiskaasi, islamarkaana ay dib ka soo sheegi doonto.

 

View the full article