Dibad-bax lagu taageerayo go’aankii BF oo ka socda Muqdisho

[Deeq A.]

Boqolaal dadweyne ah ayaa isugu soo baxay taalada Daljirka Daahsoon ee magaalada Muqdisho, si ay u taageeraan ansixintii xeerka matalaadda gobolka Banaadir.

Dibad-baxan oo ah mid nabadeed ayaa waxaa soo qaban-qaabiyey gobolka Banaadir, iyadoona ay ka qeyb-galayaan dad badan oo isaga kala yimid xaafadaha Muqdisho.

Sidoo kale waxaa la filayaa in halkaasi ay tagaan mas’uuliyiin ka tirsan maamulka gobolka, si ay qeyb uga noqdaan dibad-baxaasi.

Shalay ayey aheyd markii xildhibaanada Golaha Shacabka ay ansixiyeen xeerka matalaadda gobolka Banaadir oo Aqalka Sare ku yeelan doono illaa 13 xubnood.

View the full article