Waxgaradka Dhuusamareeb oo diray baaq nabadeed

[Deeq A.]

Nabadoon Cabdulaahi Xasan Maxamed oo ka mid ah waxgaradka ku nool magaalada Dhuusamareeb oo la hadlay Shabelle ayaa baaq nabadeed u diray maleeshiyaadka ku dagaalamaya deegaanada Xananbuure iyo Qalanqalle ee waqooyiga gobolka Galgaduud.

Dagaalladan oo ah kuwa soo noq-noqday ayuu sheegay in loo baahan yahay in xal-waara laga gaaro, si looga baaqsado in dhiig uu markale ku daato halkaasi.

Sidoo kale wuxuu ka dalbaday madaxda sare ee Galmudug inay si deg-deg ah ugu baxaan dagaalladaasi, islamarkaana ay kala qaadaan maleeshiyaadka weli is-horfadhiya.

Labadii maalin ee la soo dhaafay ayaa waxaa dagaallo dhaliyey khasaare badan ay ka dhaceen waqooyiga gobolka Galgaduud ee bartamaha Soomaaliya.

View the full article