Iska horimaad khasaaro geystay oo ka dhacay magaalada Adis Ababa

[Deeq A.]

Iska horimaad khasaaro geystay oo ka dhacay magaalada Adis Ababa

 

Wararka ka imaanaya magaalada Adis Ababa ee caasimada dalka Itoobiya ayaa sheegaya in iska hor imaad khasaaro geestay oo u dhaxeeyay ciidamada booliiska federaalka iyo budhcad hubeysan uu ka dhacay xaafad ka tirsan Adis Ababa.

Booliiska ayaa la sheegay in ay ku baxeen xaafad ay dhac ka geesanayeen budhcad hubeysan oo tiradooda lagu sheegay ilaa 8-nin kuwaa oo  dhacay ka waday xaafado dad shacab ah degan yihiin.

Ciidamada booliiska ayaaa ku amray budh in ay hubka dhigan balse budhcada ayaa dagaal kala hor yimid ciidamada booliiska sida uu warbaahinta u sheegay sarkaal katirsan booliiska Adis Ababa.

Inta la xaqiijiyay iska hor imaadka ka dhacay magaalada Adis Ababa ayaa lagu dilay mid kamid ah kooxdii budhcada ahayd,halka mid kalana lagu dhaawacay, booliiska ayaa sidoo kale gacanta ku dhigay lix nin oo kale oo budhcadaasi katirsaneyd.

War kasoo baxay booliiska ayaa lagu sheegay in budhcadan marar badan dhac ka geysteen xaafado kuyaala magaalada Adis Ababa iyaga oo ku qadhaaban jiray direyska ciidanka booliiska, waxa ayna booliiska sheegeen in budhcadan mudo baadi goob loogu jiray.

Magaalada Adis Ababa ayaa waxaa mararka qaar ka dhaca dilalka iyo dhac ay geystaan kooxo budhcada ah, waxaana booliiska marar badan ku guul dareysteen wax ka qabashada budhcadaasi hubeysan.

Qaran News