Muuse Biixi oo hambalyo u diray shacabka iyo dowladda Jabuuti

[Deeq A.]

Madaxweynaha Somaliland ayaa shacabka iyo dowladda Jabuuti ugu hambalyeeyey 43-guurada ka soo wareegtay maalintii ay gobonimada qaateen.

Muuse Biixi Cabdi, isagoo ku hadlaya magaciisa iyo ka shacabka Somaliland wuxuu dhambaal hambalyo ah u diray dowladda Jamhuuriyadda Jabuuti oo ay ku beegan tahay xuska sannad guurada 43-aad ee ka soo wareegtay markii uu dalkaasi xorriyaddiisa ka qaatay waddanka Faransiiska 27-kii bishii lixaad (June) sanadkii 1977-kii.

Sidoo kale madaxweynaha Somaliland waxaa uu ku booriyey shacab-weynaha iyo dowladda dalka Jabuuti xuska sanad-guurada xorriyadooda oo ay u dabaaldegayaan, isaga oo u rajeeyey inay ku gaaraan sanadkaa kiisa kale horumar, bash-bash iyo barwaaqo.

“Madaxweynuhu waxa uu mar labaad iyo mar saddexaadba ku hambalyaynayaa shacbiga iyo dowladda Jabuuti xornimada iyo horumarka 43-tan jirsaday ee ay u dabaal-degayaan, waxanu u rajeynaya inay sanadkan kiisa ku gaadhaan wadajir iyo horumar.” ayaa lagu yiri war qoraal ah oo ka soo baxay madaxtooyada maamulka Somaliland.

View the full article