DANAB oo dilay laba sarkaal oo ka tirsan Al-shabaab degaanno kala duwan ka qabsaday

[Deeq A.]

Ciidamadda kumaandooska dowladda Federaalka Soomaaliya ayaa lagu soo warramayaa in ay  al-shabaab ka saareen degaanada Jilib Marko iyo Gendershe oo ka tirsan degmada marka ee xarunta gobolka shabeelaha hoose.

Howlgalka oo ahaa mid qorsheysan ayaa ujeedkiisu ahaa in malayshiyaadka Al-shabaab  laga xoreeyo dhulka xeebta ee u dhexeeyo degaanka Jasiira iyo degmada marko.

G/sare Ismaaciil Cabdimaalik Maalin oo ka tirsan ciidamada dowladda ayaa laga soo xigtay in sidoo kale hawlgalka lagu dilay laba horjooge oo Al-shabaab u qaabilsanaa degaanada xeebta ah ee ay ciidamadda la wareegeen.

Maalin ayaa magacyada saraakiisha la dilay ku sheegay  horjooge xeroowiyo horjooge ciise yare inkastoo uusan faahfaahin kale ka bixin.

PUNTLAND POST

The post DANAB oo dilay laba sarkaal oo ka tirsan Al-shabaab degaanno kala duwan ka qabsaday appeared first on Puntland Post.