Baarlamaanka Jaamacadda Carabta Oo Ka Hadlay Shirkii Wadahallada Somaliland Iyo Soomaaliya

[Deeq A.]

Baarlamaanka Jaamacadda Carabta ayaa madaxweynaha dalka Jabbuuti ku bogaadiyey martigelinta iyo qabanqaabinta kulanka wadahadallada Somaliland iyo Soomaaliya iyo waxa uu ugu yeedhay taageeridda dib u heshiisiinta Soomaaliya iyo guud ahaan gobalka Geeska Afrika.

Dr. Mishcal Bin Fahmi A-Sulami, guddoomiyaha Baarlamaanka dalalka Carabta ayaa warsaxaafadeed uu soo saaray 18-kii bishan Juun waxa uu ammaanay hindisaha madaxweyne Ismaaciil Cumar Geelle.

Mudane Mishcal waxa uu sheegay in baarlamaanka Carabtu uu taageersan yahay dadaalka madaxweyhne Geelle, una rajaynayo in uu is-afgarad ka dhex abuuro walaalaha Soomaalida, isla markaana taageero xasiloonida gobalka Geeska Afrika iyo xoojinta amniga qaranka Carbeed. Sida uu hadalka u dhigay.

Waxa aanu tallaabadan ku tilmaamay mid togan oo sii xoojinaysa xasiloonida, dib u heshiisiinta, iyo in hore loo dhaqaajiyo taayirka horumarka Soomaalida iyo guud ahaan gobalka Geeska Afrika.

Geeska

Qaran News