Somalia oo war lama filaana ka soo saartay Loolankii ay Kenya kaga guuleysatey Jabuuti Kursiga Golaha Amaanka

[Deeq A.]

Somalia oo war lama filaana ka soo saartay Loolankii ay Kenya kaga guuleysatey  Jabuuti Kursiga Golaha Amaanka

 

Wasaraadda arrimaha dibadda Soomaaliya ayaa war ka soo saartay guushii ay Kenya ka gaartay Jabuuti, kadib markii ay uga adkaatay tartan ka dhacay xarunta Qaramada Midoobay oo Kenya ay ku heshay kursiga aan joogtada aheyn ee golaha ammaanka.

Wasiirka arrimaha dibadda, Mudane Axmed Ciise Cawad oo qoraal kooban soo dhigay  bartiisa Twiter-ka ayaa hambalyo u diray Kenya, isaga oo ku hadlayey magaca dowladda Soomaaliyeed.

Sidoo kale wuxuu tilmaamay inay ku kalsoon yihiin in Kenya ay ka shaqeynayso danaha gobolka, warkaas oo ah mid lama filaan ah maadaama uu Soomaaliya xilligan Kenya kala dhexeeyo muran dhinaca badda ah oo ay dacwaddiisu taallo maxkamadda ICJ.

Kenya ayaa Afrika kuma tali doonta kursiga aan joogtada ahayn ee Qaramada Midoobay, waxaana ay sheegtay in xubinimadaasi aysan u adeegsan doonin xiisada kala dhexeysa Soomaaliya.

Hadalka wasiir Cawad ayaa ku soo aadaya, iyadoo dowladda Soomaaliya ay horey u taageereysay Jamhuuriyadda Jabuuti oo looga adkaaday tartan codeyn ah oo ka dhacay xarunta dhexe ee Qaramada Midoobay.

Qaran News