Gudoomiye ku xigeenka Baarlamanka Puntland oo ka digay Doorasha qof iyo cod ah oo ku salaysan 4.5

[Deeq A.]

Guddoomiye ku xigeenka kowaad ee Golaha Wakiilada Dowladda Puntland Avv. Cabdicasiis Cabdullaahi Cismaan, ayaa si adag uga digay in Doorashada qof iyo cod ee Soomaaliya loo wadaa ay noqoto mid ku salaysan Hannaanka Wax-qaybta 4.5

Guddoomiyaha Cabdicasiis, ayaa sheegay in Nidaamka 4.5, uu ahaa Xal wakhtigiisa joogay oo laga soo gudbay, inkastoo uusan marnaba Nidaamkaasi sax ahayn, balse loo baahanyahay in aan Maanta mar kale dib loogu laaban.

Sidoo kale, wuxuu sheegay in haddii la yiraahdo Doorasho qof iyo cod ah baa loo gudbayaa, Wax qaybtuna waa inoo Habkeennii Qabiilka, taasi ay ka dhigantahay in Nidaamka Qabaliga ah ee 4.5 Sharci laga dhigayo.

Avv. Cabdicasiis Cabdullaahi, wuxuu intaas raaciyay in haddii sidaas lagu Sharciyeeyo Hannaanka wax-qaybsiga 4.5, ay iyana caddaalad-darro baahsan ku keeni doonto Qaar kamid ah Beelaha Soomaaaliyeed.

“waa in qabiilada Soomaaliyeed midna cod yeesho midna aanu cod yeelan oo qabiil is doorto waa in la sameeyo xeer aan u cadaalad samaynayn umadda Soomaaliyeed” ayuu hadalkiisa ku daray Guddoomiye ku xigeenka kowaad ee Baarlamanka Puntland.

PUNTLAND POST

The post Gudoomiye ku xigeenka Baarlamanka Puntland oo ka digay Doorasha qof iyo cod ah oo ku salaysan 4.5 appeared first on Puntland Post.