Guddoomiye waaxeed ka tirsan maamulka Dayniile oo la dilay

[Deeq A.]

Xaafadda Raadeelka ee degmada Dayniile waxaa maanta ka dhacay dil loo geystay Allaha u naxariistee gudoomiyihii Waaxda Halgan ee dagmadaasi, C/qaadir Fooldib Axmed.

Dilka waxaa geysatay xaaskiisa, kadib markii ay Toorey si gaadmo ah ugu dhufatay, isagoona markii dambe  dhaawac ahaan ugu geeriyooday isbitaalka.

Wararka ayaa sheegaya in xaaskiisa ay u dishay arrimo la xiriira Maseyr, kadib markii ay ku weerartay guriga xaaskiisii hore oo xilligaasi uu la joogay, si uu u booqdo caruur ay u dhashay marxuumka.

Ehellada Marxuumka ayaa sheegay haweeneyda falka dilka ah geysatay gacanta lagu hayo, islamarkaana sharciga la horgeyn doono.

Maalmahan dambe Muqdisho waxaa ku soo badanaya lamaanaha is-qaba ee falalka dilalka ah isu gaysanaya, waxaana tani ay muujineysaa mid halis ku ah bulshada.

View the full article