Kulankii Madaxweyne Deni iyo Isimada oo baaqday

[Deeq A.]

Madaxweynaha Puntland Siciid Cabdullaahi Deni oo maanta xarunta Baarlamaanka kula ballansanaa Isimada iyo Guddoonka Golaha Wakiilada ayaa kulankaasi ka cudur-daartay.

Madaxweyne Deni ayaa Isimada iyo Guddoonka Baarlamaanka ku wargeliyay in uusan kulanka maanta imaan karin, balse wuxuu ballan-qaaday in uu Isniinta berriya kulan Qado ah Sharaf ah u samayn doono Isimada iyo Guddoonka Baarlamaanka.

Madaxweynaha Puntland ayaa la filayaa in uu kulanka berri ku soo bandhigo qaladaadka uu ka tirsanayo Madaxweyne Ku xigeenkiisa si loo dhex-dhexaadiyo labada mas’uul.

Waxaase xusid mudan in Madaxweyne Deni uusan Isimada iyo Guddoonka Golaha Wakiilada u sheegin goobta uu ku qaban doono kulankaasi qadada ah.

Isimada dhex-dhexaadinta wada iyo Guddoonka Baarlamanka ayaa shalay la kulmay Madaxweyne ku xigeenka oo ay ka dhegaysteen qaladaadka uu tabanayo ee dhaliyay muranka isaga iyo Madaxweyne Deni.

PUNTLAND POST

The post Kulankii Madaxweyne Deni iyo Isimada oo baaqday appeared first on Puntland Post.