Haweeney magac yaab leh ugu yeedhay Maxamed Bin Salmaan oo lagu xidhay Sacuudiga+Hayada Xuquuqda Caalamiga oo ka hadashay

[Deeq A.]

Haweeney magac yaab leh ugu yeedhay Maxamed Bin Salmaan oo lagu xidhay Sacuudiga

 

Kooxaha u dooda xuquuqda aadanaha ayaa ka walaacsan xaaladda amni ee haweeney Sacuudiyaan ah, oo lagu warramay in la xiray kadib markii ay baraha bulshada “ku aflagaadeysay” dhaxal-sugaha Sacuudiga Maxamed bin Salman.

Amani Alzain, oo ah 40 jir deggan magaalada Jeddah, ayaa waxaa baraha bulshada ku beegsaday dad daacad u ah dowladda kadib markii ay Maxamed Bin Salmaan ugu yeertay magaca “Abu Munshar”, oo macnaheedu yahay “Aabihii Mishaarta”.

Maxamed Bin Salmaan ayaa caan ku noqday magaca “Abu Munshar” kadib markii wakiilo ku xiran dowladda ay qunsuliyadda Sacuudiga ee Istanbul ku dileen suxufi Jamaal Khaashuqji, kaasi oo la rumeysan yahay in lagu jarjaray mishaar.

Arbacadii, cinwaan twitter oo loo yaqaan Maxaabiista Sharafta, kaasi oo la socda dadka lagu xiro Sacuudiga, ayaa ku warramay in Amani Alzain la xiray. Warkan ayaa waxaa sidoo kale xaqiijiyey kooxda u doodda xuquuqda aadanaha dadka Khaliijka ee Gulf Centre for Human Rights (GCHR).

Kooxda GCHR ayaa ku baaqday in si deg deg ah loo sii daayo Amani Alzain, iyo dhammaan dadka la xiray ayada oo lagu xadgudbayo xuquuqda ay u leeyihiin inay fikradahooda muujiyaan, oo ay ku jiraan kuwa difaaca xuquuqda haweenka.

Sidoo kale, Arbacadii Golaha Xuquuqda iyo Xoriyadaha ee fadhigiisu yahay Geneva ayaa ugu baaqay mas’uuliyiinta Sacuudiga inay shaaca ka qaadaan xaaladda ay ku sugan tahay Amani Alzain.

@GenevaCouncil called on the Saudi authorities to come clean on the fate of activist @AmaniAlzain who was reportedly arrested from her home in Jeddah after a campaign of incitement targeting her on social media. #SaudiArabia https://t.co/gksQLYyuE7 pic.twitter.com/kkMh5BLBaA

— Geneva Council For Rights and Liberties (@GenevaCouncil) May 27, 2020

Qaran News