Askar qarax ku soo dhaawacantay oo la keenay magaalada Muqdisho

[Deeq A.]

Sarkaal ka tirsan ciidamada dowladda federaalka ah ee Soomaaliya ee ku sugan gobolka Shabeelaha Hoose ayaa sheegay in 8 askari oo shalay ku dhaawacantay qarax miino oo lagula eegtay duleedka degmada Awdheegle loo soo gudbiyey magaalada Muqdisho.

Maxamed Cabdi-Ladiif oo ah sarkaalka u hadlay milatariga Soomaaliya, islamarkaana wareysi siiyey Shabelle ayaa tilmaamay in qaraxa ciidamadaasi lagula bartilmaameedsaday deegaanka Aw-Faarax, xilli ay saad u soo wadeen ciidamada Jooga saldhigga Awdheegle.

Sidoo kale wuxuu xaqiijiyey in qaraxaasi oo ay sheegatay Al-Shabaab ay ku naf-waayeen illaa shan askari oo ka tirsanaa ciidamada Xoogga dalka Soomaaliyeed.

Halkaan hoose ka dhageyso codka.

https://www.radioshabelle.com/wp-content/uploads/2020/05/Cod-Awdheegle.mp3

 

View the full article