Madaxweyne Waare oo magacaabay Guddiga Mashaariicda Xalka Waara

[Deeq A.]

Madaxweynaha Dowlad Goboleedka Hirshabeelle Maxamed Cabdi Waare, ayaa magacaabay Guddiga Wasaaradaha ee Mashaariicda Xalka waara.

Dikreeto kasoo baxday xafiiska Madaxweyne Waare, ayaa lagu sheegay in Guddigaas oo ka kooban 9 Xubnood ay u xilsaaran isku dubaridka iyo mashaariicda xalka waara, taasi oo qeyb ka ah Xal u helida Biyaha Had iyo jeer ku fataha Magaalada Beledweyne iyo Guud ahaan Degaanada Hirshabelle.

Guddiga ayaa ka kooban Wasaaradaha Qorshaynta, Hawlaha Guud iyo Dib u dhiska, Maaliyadda, Arrimaha Gudaha, Biyaha iyo Tamarta, Beeraha iyo Waraabka.

Sidoo kale, Guddiga waxaa ku jira Guddoomiyaasha Gobollada Hiiraan iyo Shabeellada Dhexe iyo Xafiiska Mashaariicda Xalka waara u qaabilsan Xafiiska Ra’iisul wasaaraha Xukuumadda Fedaraalka Soomaaliya.

PUNTLAND POST

The post Madaxweyne Waare oo magacaabay Guddiga Mashaariicda Xalka Waara appeared first on Puntland Post.