Madaxweynaha Puntland oo ku wajahan magaalada Gaalkacyo

[Deeq A.]

Madaxweynaha maamulka Puntland, Siciid Cabdullaahi Maxamed (Deni) ayaa maalmaha soo socda ku wajahan waqooyiga magaalada Gaalkacyo ee xarunta gobolka.

U jeedka socdaalka Den oo ay wehlinayaan xubno ka mid ah golhihiisa wasiirada ayaa waxaa lagu sheegay inuu la xariiro dhameystirka dadaallada nabadeed ee G/Mudug.

Sidoo kale Siciid Deni ayaa kulamo la qaadan doono saraakiisha ammaanka, maamulka gobolka Mudug iyo kan degmada Gaalkacyo, si loo dardar-geliyo amniga magaaladaasi.

Todobaadkan gudihiisa ayey aheyd markii qarax is-miidaamin ahaa lagu dilay guddoomiyihii gobolka Mudug ee Puntland Allaha U naxariistee, Axmed Muuse Nuur.

 

View the full article