ICJ oo markale dib u dhigtay dhageysiga dacwadda badda ee Soomaaliya & Kenya

[Deeq A.]

Maxkamadda caalamiga ah ee ICJ oo ay hor-taallo dooda badda ee u dhexeysa dalalka Soomaaliya iyo Kenya ayaa markale dib u dhigtay dhageysiga dacwadda ee labada dal.

Warqad ka soo baxday garsoorka maxkamadda ayaa waxaa lagu sheegay in dib loo dhageysan doono kiiska badda Soomaaliya iyo Kenya 15-ka March ee sanadka 2021-ka.

Sidoo kale ICJ ayaa go’aankeeda la xiriirisay saameynta cudurka faafa ee Coronavirus oo haatan fara ba’an ku haya dalal badan oo caalamka ku yaalla, balse waxay arrintaan ku soo aadeysa, iyadoo dhowaan Kenya ay dalbatay in mar 2-aad dib loogu dhigo kiiskan.

Dowladda Soomaaliya oo sidoo kale si weyn uga biyo diidaneyd dib u dhigista dacwadda ayaa haatan sheegtay inay u hoggaansami doonto jadwalka cusub.

Tan iyo markii maxkamadda cadaaladda adduunka loo gudbiyey dacwadda badda ee Soomaaliya iyo Keyna xiisada u dhexeysa labada dowladood ayaa aheyd mid kacsan.

View the full article