Maamulka Gobolka Banaadir oo saxiixay mashruuc lagu caawinayo dan yarta ku nool Muqdisho

[Deeq A.]

Guddoomiyaha Gobalka Banaadir ahna Duqa Magaalada Muqdisho, Cumar Maxamuud Maxamed (Cumar Filish) iyo wasiirka Shaqada iyo Arrimaha Bulshada Sadiiq Xirsi warfaa ayaa maanta kala saxiixday mashruuc lagu caawinayo dadka dan yarta ah ee ku nool Muqdisho.

Ka dib kulan ay ku yeesheen Wasaaradda Shaqada iyo arrimaha bulshada ayay Mashruucaas kula kala saxiixdeen labada masuul.

Wasiirka shaqada iyo arrimaha bulshada xukumadda federaalka Soomaaliya Sadiiq Warfaa oo duqa Muqdisho ku soo dhaweeyay xafiiskiisa ayaa sheegay in Mashruucan la soo marsiiyay wasaaradda shaqada iyo arrimaha bulshada, uu maanta ku wareejiyay maamulka gobalka Banaadir si loogu taakuleeyo dadka  nugul ee ku nool gobalka Banaadir.

Guddoomiyaha Gobobalka Banaadir ahna duqa magaalada Muqdisho, Cumar Maxamuud Maxamed (Cumar Filish) oo ka mahadceliyay soo dhaweenta wasiirka ayaa sheegay in mashruucan wasaaradda ku wareejisay ay ku wareejin doonaan dadkii loogu talagalay si looga faa’iideyo.

PUNTLAND POST

The post Maamulka Gobolka Banaadir oo saxiixay mashruuc lagu caawinayo dan yarta ku nool Muqdisho appeared first on Puntland Post.