Puntland oo khafiifisay go’aamadii ay horey u soo saartay ee Covid-19

[Deeq A.]

Guddiga Covid-19 ee Puntland ayaa ku dhawaaqay in laga bilaabo maanta oo ay ku beegan tahay 18-ka May 2020-ka, la khafiifiyey go’aamadii bandowga ee uu horey u soo saaray guddigu, sida isu socodka dadka, xarumaha ganacsiga iyo keenista Qaadka.

Dadka qaadka ka ganacsada iyo qeybaha kala duwan ee bulshada ee wax kala iibsanaysa wuxuu guddigu faray inay u hoggaansamaan oo ay illaaliyaan tallooyinka caafimaadka, sida nadaafada, Af-xirka, gacmo-gashiga iyo isu jirsiga masaafo marka wax la kala iibsanayo.

“Guddiga ayaa arrintan dib u fiirin doona ciida kadib, inshallah” ayaa lagu yiri qoraal ka soo baxay guddiga ka hortaga Covid-19 ee maamulkaasi

Puntland ayaa ka mid ah deegaanada uu sameeyey cudurka Coronavirus oo haatan fara ba’an ku haya Soomaaliya.

View the full article