Al-Shabaab oo sheegatay qarixii ka dhacay magaalada Gaalkacyo

[Deeq A.]

Xarakada Al-Shabaab ayaa war ka soo saartay qarax xoogan oo maanta ka dhacay magaalada Gaalkacyo ee xarunta gobolka Mudug, gaar ahaan dhinaca Puntland.

Qoraalka ka soo baxay dhaq dhaqaaqa Al-Shabaab oo lagu baahiyey baraha bulshada ayaa waxaa lagu sheegay in qaraxaasi oo ahaa is-miidaamin ah ay iyagu fuliyeen, islamarkaana ay la eegteen kolonyo uu la socday guddoomiyaha gobolka Mudug ee maamulka Puntland.

Inta la xaqiijiyey waxaa qaraxa ku dhintay Allaha u naxariistee guddoomiye Axmed Muuse Nuur iyo sidoo kale saddex askari oo ilaalo u aheyd.

Waa guddoomiyihii labaad ee gobol oo qarax looga dilay Puntland, iyadoo weerar ka dhacay magaalada Garoowe lagu dilay dilay guddoomiyihii gobolka Nugaal, Cabdisalaan Gu’jir.

View the full article