Xeer ilaaliyaha qaranka oo sheegay inay cadeymo u ahayaan mas’uuliyiin u xiran Musuq

[Deeq A.]

Xeer ilaaliyaha guud ee qaranka Dr. Suleymaan Maxamed Maxamuud oo maanta shir jaraa’id u qabtay warbaahinta ayaa markii ugu horreysay faah faahin guud ka bixiyey mas’uuliyiin u badan agaasimayaal oo u xiran eedeymo la xiriira musuq-maasuq.

Dr. Suleymaan ayaa sheegay in ay xabsiga la dhigay illaa 20 qof oo lagu helay musuq-maasuq ka dhacay howlaha wasaaradda caafimaadka xukuumadda Soomaaliya, kadibna lugaha la galay wasaarado kale.

Sidoo kale wuxuu carabka ku dhuftay in dadka xiran ay ku jiraan agaasimayaal waaxeedyo iyo kuwa guud, islamarkaana ay hayaan cadeymo ku aadan musuq-maasuqaasi.

Ugu dambeyn wuxuu carabka ku dhuftay in xeer ilaalinta ay soo gaba-gabeysay baaritaan waqti dheer qaatay oo la xiriira kiiska musuq-maasuqa ee wasaaradda Caafimaadka Soomaaliya, wuxuuna tilmaamay in ay dacwad ku soo oogeen shakhsiyaadka la haysto.

View the full article